Khfree123: ហេតុអ្វីត្រូវសិក្សាផ្នែក កុំព្យូទ័រវិទ្យា? WHY COMPUTER STUDIES?

សតវត្សរ៍ទី ២១ យុគសម័យព័ត៌មានវិទ្យា គ្រប់វិស័យទាំងអស់ត្រូវការបច្ចេក វិទ្យាជាជំនួយ ដើម្បីភាពងាយស្រួល និងជោគជ័យក្នុងអាជីព ដើម្បីឆ្លើយតបនឹង តម្រូវការទីផ្សារការសិក្សានៅផ្នែក កុំព្យូទ័រវិទ្យា ។ ន័រតុនជាសាកលវិទ្យាល័យជូរមុខនៅកម្ពុជា ដែលនាំមុខនូវវិស័យបច្ចេកវិទ្យា និងកុំព្យូទ័រ ។

វិទ្យាសាស្រ្តកុំព្យូទ័រ

ទិសដៅរួម គឺការយល់ដឹង និងសមត្ថភាពប្រើប្រាស់កុំព្យូទ័រ សម្រាប់កិច្ចការ ជំនួញ កិច្ចការស្ថាប័ន ការធ្វើផែនការ និងជំនួយការធ្វើសេចក្តីសម្រេច ។ លើសពី នេះទៅទៀត ការសិក្សាផ្តោតទៅលើរចនាសម្ព័ន្ធកុំព្យូទ័រ និងប្រព័ន្ធកុំព្យូទ័រ ជំនាញនេះត្រូវបានណែនាំជាពិសេស សម្រាប់និស្សិតពូកែគណិតវិទ្យា និងការគិតគួរតែបែបតក្កវិទ្យា ។

គ្រប់គ្រងប្រព័ន្ធព័ត៌មានវិទ្យា

ផ្តោតលើការ ប្រើប្រាស់ប្រព័ន្ធព័ត៌មានវិទ្យា ជារួមសម្រាប់កិច្ចការជំនួញ និងកិច្ច ការស្ថាប័នឲ្យមានប្រសិទ្ធភាព ដោយការសិក្សាលើ ដំណើរការការងារ និងការធ្វើ គម្រោងកំណែទម្រង់ និងរៀបចំយុទ្ធសាស្រ្ត អនុវត្តន៍ការបន្ស៊ី ប្រព័ន្ធព័ត៌មានវិទ្យា និងធុរកិច្ចប្រកបដោយជោគជ័យ ។ ជំនាញនេះត្រូវបានណែនាំមានជំណង់ចំណូលចិត្តខាងកុំព្យូទ័រ និងកិច្ចការស្ថាប័ន និងការគិតគូជាយុទ្ធសាស្ត្រសម្រាប់កិច្ចការទាំងនេះ ។

បណ្តាញកុំព្យូទ័រ និងសុវត្ថិភាព

ជាជំនាញ ដែលកំពុងពេញនិយម ដែលសិក្សាលើប្រព័ន្ធគ្រប់គ្រងបណ្តាញកុំព្យូទ័រ សម្រាប់គ្រប់ស្ថាប័នទាំងអស់រួមទាំង ស្ថាប័នរដ្ឋាភិបាល ឯកជន និងអង្គការក្រៅ រដ្ឋាភិបាលផ្សេងៗទៀតតាមរយៈប្រព័ន្ធប្រតិបត្តិការ Window Linux ដោយចាប់ផ្តើមពីមូលដ្ឋានគ្រឹះគម្រោងរៀបចំបណ្តាញ និងបច្ចេកវិទ្យាសុវត្ថិភាពបណ្តាញ ។

គំនិតច្នៃប្រឌិតរចនា ប្រព័ន្ធផ្សព្វផ្សាយ និងគេហទំព័រ

ការ សិក្សាផ្តោតលើការបំផុសគំនិតច្នៃប្រឌិតលើព័ត៌មានចម្រុះទាក់ទងនឹងការ ចេះរចនារូបភាព វីឌីអូ ទស្សនាវដ្ដី វិចិត្រសិល្បៈ ប្រព័ន្ធផ្សព្វផ្សាយផ្សេងៗ ការ រចនាគេហទំព័រ និងរបៀបគ្រប់គ្រងអាជីវកម្ម ដែលស្របតាមទីផ្សារបច្ចុប្បន្ន ។ ជាជំនាញដែលនឹងផ្ដល់នូវពុទ្ធិយ៉ាងសម្បូរបែបទៅលើការរចនាក្រាហ្វិក (Grap- hic Design) ដោយនិស្សិត នឹងក្លាយជាអ្នកអាជីព MediaDesign, Digital Design, Advertising Photography និងរចនាគេហទំព័រផងដែរ ។

អភិវឌ្ឍន៍កម្មវិធី

និស្សិតនឹងទទួលបានការបណ្តុះបណ្តាល សមត្ថភាព ជាអ្នកបង្កើតកម្មវិធីប្រើ ប្រាស់សម្រាប់កុំព្យូទ័រ និងស្មាតហ្វូន សម្រាប់បម្រើការក្នុងស្ថាប័ន និងអង្គភាព នានា ដោយប្រើប្រាស់បច្ចេកវិទ្យារបស់ Microsoft Dot Net, Java និង Android ជាដើម ។