អ្នកប្រើប្រាស់កុំព្យូទ័រមួយចំនួនបានដឹងថា .exe file គឺជាប្រភេទ file ដែលគ្រោះថ្នាក់សម្រាប់ windows ដូចជា windows XP, windows Vista, windows 7 និង windows 8 ព្រោះ file ដែលជាមេរោគភាគច្រើនមាន extension .exe ។ ប៉ុន្តែមិនមែនមានន័យថាអ្នកគួរប្រយ័ត្នតែទៅលើប្រភេទ .exe file មួយទេ គឺមានប្រភេទ file ដែលបណ្តាលឲ្យមានបញ្ហាដល់កុំព្យូទ័រជាច្រើនទៀតដែលអ្នកគួរយល់ដឹង ។
---------------------------------------------------------------------------------------------------------------
ហេតុអ្វីបានជាអ្នកត្រូវដឹងថាប្រភេទ File ណាខ្លះដែលមានគ្រោះថ្នាក់ដល់កុំព្យូទ័រ?
វាមានសារៈសំខាន់ណាស់ក្នុងការដឹងថាប្រភេទ file ណាខ្លះដែលអាចបង្កគ្រោះថា្នក់ដល់កុំព្យូទ័រពេលអ្នកធ្វើការសម្រេចចិត្តមុនពេល download ពីអ៊ីនធើណេត ឬ copy ពី USB flash ព្រោះថាប្រសិនបើអ្នកមិនដឹងថាប្រភេទ file ដែលអ្នកបាន download ឬ copy ពី USB flash ជា file ដែលបង្កបញ្ហាដល់កុំព្យូទ័រនោះទេ ពេលអ្នកបើក (double click) file នោះកុំព្យទ័ររបស់អ្នកអាច ឆ្លងមេរោគ ដំណើការយឺតជាងមុន ។ ល ។ ពេលខ្លះសូម្បីតែ screen server file ក៏អាចបង្កបញ្ហាដល់កុំព្យូទ័ររបស់អ្នកបានដែរ ។
ហេតុអ្វីត្រូវដំឡើងកម្មវិធីកម្ចាត់មេរោគនៅក្នុងកុំព្យូទ័រ?
មាន file
ច្រើនណាស់ដែលបង្កគ្រោះថ្នាក់ដល់កុំព្យូទ័រដែលយើងមិនដែលស្គាល់
ប៉ុន្តែកម្មវិធីកម្ចាត់មេរោគស្គាល់
ដូចនេះកម្មវិធីកម្ចាត់មេរោគអាចជួយយើងបានច្រើន
ក្នុងការទប់ស្កាត់កុំឲ្យមានបញ្ហាដល់កុំព្យូទ័រ ។ ជាការពិតណាស់
អ្នកគួរតែមានកម្មវិធីកម្ចាត់មេរោគមួយដែលដំណើការក្នុងកុំព្យទ័រ
ហើយគួរតែ update វាយ៉ាងយូរមួយខែម្តង ឬ ដាក់វាឲ្យ update ដោយស្វ័យ
ប្រវត្តិ ។
ត្រូវចងចាំថាប្រសិនបើអ្នកដំឡើងកម្មវិធីកម្ចាត់មេរោគច្រើន (លើសពីមួយ)
នៅក្នុងកុំព្យូទ័រ
នោះដំណើការរបស់កុំព្យូទ័រនឹងយឺតជាងមុនដែលគួរឲ្យកត់សម្គាល់ ។
ទោះបីជាអ្នកបានដឹងថាកម្មវិធីកម្ចាត់មេរោគអាចជួយអ្នកបានយ៉ាងច្រើនក្នុងការការពារមិនឲ្យមេរោគ ឬ file ដែលបង្កគ្រោះថ្នាក់ ឆ្លងចូលកុំព្យូទ័ររបស់អ្នកក៏ដោយ ប៉ុន្តែការស្គាល់ extension file ដែលអាចបង្កគ្រោះថា្នក់ឲ្យបានច្រើនក៏អាចជួយអ្នកក្នុងការបង្កើនចំណេះដឹងបានមួយកម្រិតទៀតផងដែរ ។
ខាងក្រោមនេះខ្ញុំនឹងបង្ហាញអ្នកពីប្រភេទ file ដែលអាចបង្កគ្រោះថា្នក់ដល់កុំព្យូទ័រ៖
· .EXE : ជា file សម្រាប់ដំណើការកម្មវិធីណាមួយក្នុងកុំព្យូទ័រ ដែលភាគច្រើនមេរោគតែងតែប្រើប្រាស់ extension នេះសម្រាប់ដំណើការនៃការបំផ្លាញទិន្នន័យក្នុងកុំព្យូទ័ររបស់អ្នក ។ · .PIF : មកពីពាក្យ Program Information File សម្រាប់ MS-DOS របស់ windows ។ វាមិនមែនជា executable ទេ ប៉ុន្តែគេអាចសរសេរកូដសម្រាប់ឲ្យវាទៅរំខានដំណើការកុំព្យូទ័របាន ។
· .GADGET : ជា gadget file សម្រាប់បច្ចេកវិទ្យា Windows desktop gadget មានចាប់ពី Windows vista មកម៉្លេះ ។
· .MSI : មកពីពាក្យ Microsoft Installer គេប្រើវាសម្រាប់បញ្ជាឲ្យកម្មវិធីជាច្រើនដទៃទៀត install ដោយស្វ័យប្រវត្តិ ។
· .MSP : ជា Windows installer patch file គេប្រើវាសម្រាប់ patch កម្មវិធីណាដែលមិនទាន់ activated ។
· .SCR : ជា Windows screen saver file វាអាចផ្ទុកកូដដែលអាចដំណើការបានថែមទៀត ។
· .HTA : ជាប្រភេទកម្មវិធី HTML តែវាមិនដូចកម្មវិធី HTML ដែលដំណើការលើ browsers នោះទេ ។ .HTA files ដំណើការដូច HTML ធម្មតា ហើយគ្មានការត្រួតពិនិត្យដោយ browser ប៉ុន្តែពេលខ្លះវាផ្ទុកនូវកូដដែលបង្កគ្រោះថ្នាក់ដល់កុំព្យូទ័រ ។
· .JAR : ជា Java file ដែលអាចដំណើការជាកម្មវិធីដែលសរសេរដោយភាសា Java programming ដូចនេះវាក៏អាចផ្ទុកនូវកូដមួយចំនួនដែលអាចប៉ះពាល់ដល់ដំណើការកុំព្យូទ័របានផងដែរ ។
.SCF : ជា Windows Explorer command file ដែលវាអាចប៉ះពាល់ដល់ Windows Explorer ។
*** ដកស្រង់ចេញពីទស្សនាវដ្ដីអាន-ANT ឆ្នាំ២០១៣