ប្រសិនបើលោកអ្នកកំពុងប្រើប្រាស់ windows ប្រភេទ processor 64-bit (x64) លោកអ្នកនឹងសង្កេតឃើញពីភាពខុសប្លែកមួយ គឺនៅក្នុង Windows Drive មានផ្ទុក Program Files folder ដល់ទៅពីរផ្សេងគ្នា មួយ (Program Files) សម្រាប់ 64-bit applications និងមួយទៀត (Program Files (x86) ) សម្រាប់ 32-bit applications ។ ហេតុអ្វីចាំបាច់មានការបែងចែក?
នេះជាសំណួរមួយដែលបានចោទសួរដដែលៗទៅកាន់ Super User របស់ Microsoft ។ មុននឹងឆ្លើយនូវសំណួរនេះ លោកអ្នកត្រូវដឹងច្បាស់ថា ហេតុអ្វីលោកអ្នកចាំបាច់ជ្រើសយក Windows 64-bit និង ហេតុអ្វីលោកអ្នកចាំបាច់ជ្រើសយក Windows 32-bit ?
64-bit ឬ 32-bit សំដៅលើវិធីសាស្រ្តរបស់ Windows ក្នុងការប្រើប្រាស់ Proscessor (CPU) ។
Windows 64-bit មានលក្ខណពិសេសត្រង់វាអាចគ្រប់គ្រង និងប្រើប្រាស់សមត្ថភាព RAM បានយ៉ាងល្អ គឺអាចប្រើប្រាស់សមត្ថភាព RAM បានចាប់ពី 4GB ឡើងទៅដែល Windows 32-bit អាចប្រើប្រាស់បានត្រឹម 3.5GB តែប៉ុណ្ណោះ វាក៏អាស្រ័យទៅតាមទំហំ CPU
ដែលលោកអ្នកកំពុងប្រើប្រាស់ផងដែរ ។
វាអាចឲ្យលោកអ្នកប្រើប្រាស់កម្មវិធី
ច្រើនក្នុងពេលតែមួយដោយកាត់បន្ថយការរំខានផ្សេងៗ ។
សូមពិនិត្យ ប្រភេទ Prcessor របស់ Windows ដោយ right click ទៅលើ Computer Shortcut រួចចុច Properties ។
ហេតុផលដែលមានការបែងចែក Program Files ជាពីរនោះគឺ ដើម្បីឲ្យមានភាពប្រាកដ រវាងកម្មវិធីប្រភេទ 32-bit និង 64-bit ។ វាហាក់បីដូចជាមិនបញ្ហាទេនៅពេលដែលអ្នកផ្លាស់ប្តូរទីតាំងកម្មវិធីពី Program Files ទៅ Program Files (x86) នៅពេលមានការដំឡើងម្តងៗ ។ ជាទូទៅកម្មវិធីដែលបង្កើតឡើងតម្រូវតាម Pocessor x64 នោះវាអាចដំណើរការបានតែលើ Windows 64-bit តែប៉ុណ្ណោះ ផ្ទុយមកវិញមានកម្មវិធី ភាគច្រើននាពេលបច្ចុប្បន្នបានបង្កើតឡើងដោយតម្រូវទៅតាមគ្រប់ប្រភេទ Processor មិនថា x64 ឬ x86 ឡើយ ។
Windows x64 installer នឹងដឹងដោយស្វ័យប្រវត្តិថា តើកម្មវិធីដែលអ្នកកំពុងដំឡើងមានប្រភេទអ្វី ហើយត្រូវផ្ទុកក្នុង Program File folder ឬ Program Files (x86) folder ។ ហេតុផលដែលសំខាន់នោះគឺ នៅពេលដែលកម្មវិធីប្រភេទ 32-bit ដំណើរការត្រូវដំណើរការនៅលើ 32-bit subsystem នោះគឺ ចង់សំដៅទៅលើ Program Files (x86) folder នេះឯង ។ ដំណើរការនេះត្រូវបានគេហៅថា Wow64 មកពីពាក្យ Windows on Windows 64-bit ហើយវាក៏ស្រដៀងគ្នាទៅនឹង NTVDM មកពីពាក្យ New Technology Dos Machine ដែលប្រើប្រាស់សម្រាប់ដំណើរការកម្មវិធី 16-bit នៅលើ Windows XP ផងដែរ ។
អ្នកអាចដឹងថា តើកម្មវិធីរបស់អ្នកដែលកំពុងដំណើរការជាប្រភេទប៉ុន្មាន bit ដោយបើកមើលកម្មវិធីទាំងនោះនៅក្នុង Task Manager
តារាងខាងក្រោមបង្ហាញពីលទ្ធភាពក្នុងការប្រើប្រាស់ កម្មវិធីដែលដំណើរការលើ Processor ទាំងពីរប្រភេទ ៖
*** ដកស្រង់ចេញពីទស្សនាវដ្ដីអាន-ANT ច្បាប់ទី៥២ សម្រាប់ខែ កក្កដា ឆ្នាំ២០១៣