ការស្តាប់វិទ្យុនៅក្នុងកម្មវិធី VLC
កម្មវិធី VLC បានបន្ថែមនូវមុខងារពិសេសមួយ ដែលអាចឲ្យអ្នកប្រើប្រាស់ ដើម្បីកម្សាន្តជាមួយនឹងការស្តាប់វិទ្យុជាលក្ខណៈ Online នៅលើ Internet បាន ។ ដើម្បីប្រើប្រាស់កម្មវិធី VLC ដើម្បីស្តាប់វិទ្យុ យើងត្រូវចូលទៅកាន់ View -> Playlist បន្ទាប់មកវានឹងបង្ហាញនូវផ្ទាំងដូចខាងក្រោម៖
បន្ទាប់មកទៀតចុចលើ Internet ដើម្បីធ្វើការ list នូវ Option ដែលមានពីក្រោមនោះ រួចហើយសូមចុចទៅលើ Icecast Radio Directory នោះវានឹងបង្ហាញនូវប៉ុស្ត៍វិទ្យុ Onlineជាច្រើនដែលបង្ហាញដូចរូបខាងក្រោមនេះ
ចុងក្រោយយើងគ្រាន់តែ double-click លើប៉ុស្ត៍ណាមួយ ដើម្បីស្តាប់ គឺជាការស្រេច ។
ការ Download Online Video ផ្សេងៗពី Internet
កម្មវិធី VLCមានមុខងារពិសេសមួយទៀតដែលអាចឲ្យអ្នកប្រើប្រាស់រីករាយជាមួយនឹងការ Download វីឌីអូ ពី YouTube ឫក៏ Online Video ពីគេហទំព័រផ្សេងៗទៀតដែលបានបង្ហោះនូវវីឌីអូទាំងនោះ ។
ដើម្បីធ្វើការ Download Online Video ទាំងនោះយើងត្រូវ Copy URL របស់ វីឌីអូទាំងនោះដែលមាននៅលើ Website ពី Web Browser របស់យើង ។
បន្ទាប់មកបើកកម្មវិធី VLC ហើយចូលទៅកាន់ Media -> Open Network Stream ឫក៏អាចប្រើ Shortcut Key គឺ Ctrl + N
បន្ទាប់មកទៀតយើងនឹងបានផ្ទាំងដូចខាងក្រោម រួចសូមធ្វើការ Paste នូវ URL ដែលយើងបាន Copy ពី Browser ហើយសូចចុចលើប៊ូតុង Play
នៅខណៈនេះ Video Online នោះនឹងចាប់ផ្តើមដំណើរការនៅលើកម្មវិធី VLC Media Player ។ កំឡុងពេលដែល VLC កំពុងដំណើការជាមួយ Video នោះ សូមលោកអ្នកចូលទៅកាន់ Tools -> Media Information រួចសូមធ្វើការ Copy នូវ Location របស់ Video ដែលមានបង្ហាញដូចរូបភាពខាងក្រោម៖
ជំហានបន្ទាប់សូមលោកអ្នកធ្វើការ Paste នូវ Location របស់ Video ដែលបាន Copy ទុកមុននេះ ចូលទៅក្នុង Address Bar របស់ Web Browser ណាមួយ ។ រំពេចនោះ Online Video នឹងដំណើរការនៅលើ Web Browser របស់លោកអ្នក ហើយខណៈពេលដែលវាកំពុងដំណើការលោកអ្នកអាច Right Click លើ Video នោះហើយចុចលើ Save Video as Option ដើម្បី Download Video ពី Browser ទៅកាន់ទីតាំងណាមួយដែលយើង កំណត់ ។
បញ្ជក់ៈ ប្រសិនបើយើងប្រើប្រាស់ Browser ក្រៅពី Google Chrome យើងត្រូវការបន្ថែម File Extension ដូចជា mp4, flv, mpeg ជាដើមនៅពីក្រោយឈ្មោះរបស់ File ទើបយើងអាច play នូវ video នោះបានបន្ទាប់ពីយើងបាន download ហើយ ។
** ដកស្រង់ចេញពីទស្សនាវដ្ដីអាន-ANT