ហេតុអ្វីចាំបាច់ចែករំលែក Internet ពីកំុព្យូទ័រ មកទូរស័ព្ទធ្វើអី ?
- ល្បឿនអុីនធើណេតនៃប្រព័ន្ធទូរស័ព្ទ នៅមានការខ្វះខាត (លឿនល្អ ថ្លៃ – យឺតយ៉ាងពិសេស – ថោក)
- ចំនាយថាមពលថ្មទូរស័ព្ទច្រើនជាង
- ចំនាយប្រាក់ថ្លៃជាងលើថ្លៃសេវាអុីនធើណេត ។ល។
ថ្ងៃនេះសំបុកអាយធី សូមលើកយកការចែករំលែកអុីនធើណេត ចេញពីកុំព្យូទ័រ MacBook Pro មកកាន់ទូរសព្ទ័ឆ្លាតវៃ Samsung Galaxy S III ។
ជាដំបូង សូមលោកអ្នកចូលទៅកាន់ System Preference នៃ MacBook Pro រួចចុចលើ Sharing Icon ដូចរូបខាងក្រោម
បន្ទាប់មក វានឹងបង្ហាញផ្ទាំង Sharing ដែលបង្ហាញពីជម្រើសនៃការចែករំលែកនានា ដូចជា DVD or CD Sharing, Screen Sharing, Internet Sharing ជាដើម (សំបុកអាយធី នឹងចេញអត្ថបទលម្អិត ពីចំនុចទាំងនោះ នាពេលឆាប់ៗនេះ) ។ សូមលោកអ្នកជ្រើសយក Internet Sharing ដើម្បីចែករំលែក Internet ទៅកាន់ឧបករណ៍ ដទៃ ដូចជា កុំព្យូទ័រ ឬទូរស័ព្ទជាដើម។
សូមលោកអ្នកជ្រើសរើសប្រភព (ត្រង់ Share Your Connection From) ដែលលោកអ្នកនឹងចែករំលែកចេញទៅ ឧទាហរណ៍ ការប្រើប្រាស់បណ្តាញ ខ្សែ អុីនធើណេតពី ឌីជី ឬចែករំលែកចេញពី Wifi ដែលលោកអ្នកកំពុងភ្ជាប់ក៏បាន។ បន្ទាប់មក សូមធីកយក ជម្រើសប្រភេទដែលនឹងទទួលយកការចែករំលែករបស់អ្នក (ត្រង់ To Computer Using) ។ ជាចុងក្រោយ សូមចុចលើប្រអប់ធីក ត្រង់ Internet Sharing ដើម្បីចែករំលែក គឺជាការស្រេច។
សូមចុចលើប៊ូតុង Wifi Options ដើម្បីធ្វើការកំណត់ ឬកែប្រែ ជម្រើសឈ្មោះ លេខសម្ងាត់ ដូចរូបខាងក្រោម
ចំណាំ ប្រសិនបើលោកអ្នកចង់ផ្លាស់ប្តូរ ជម្រើសណាមួយ ដែលបានរើសនៅខាងលើ លោកអ្នកចាំបាច់ត្រួវតែ ដកធីក ចេញពី Internet Sharing ជាមុនសិន ៕
សូមលោកអ្នកបន្តចូលមកទូរស័ព្ទវិញម្តង សូមចុចលើប៊ូតុង Wifi ដើម្បីចំហតំណភ្ជាប់ នោះវានឹងបង្ហាញតំណភ្ជាប់ដែលអាចភ្ជាប់បាន ដូចរូបខាងក្រោម
ដូច្នេះ លោកអ្នកគ្រាន់តែចុចលើ Wifi ដែលចេញឈ្មោះ ពី MacBook Pro ដែលលោកអ្នកបានចែករំលែកមុននេះ រួចវាយបញ្ចូលនូវលេខសម្ងាត់ ដែលបានកំណត់ នៅជំហានខាងលើ គឺជាការស្រេច ។
សម្រាប់ចម្ងល់ និងគន្លឹះថ្មីបន្ថែម សូមដាក់ជាមតិ ឬផ្ញើសារមកកាន់សំបុកអាយធី ក្រុមការងារយើងនឹងធ្វើការឆ្លើយតបឲ្យទាន់ពេលវេលាតាមតែអាចធ្វើបាន ៕